Comité Galego do PCE (m-l)
Tristemente nas pasadas eleccións autonómicas a candidatura do PP volveu a conseguir os votos necesarios para poder gobernar outros catro anos na Xunta. O modelo económico, político e social fraguado nos tempos de Manuel Fraga, aquel fascista que se converteu en «demócrata», logrou a maioría absoluta facilitada por un sistema eleitoral que premia con máis diputados á lista máis votada e que sobrevalora a representación no Parlamento autonómico ás provincias de Ourense e Lugo.
A rede clientelar rexida polo PP dende hai décadas e a manipulación dos medios informativos públicos e privados de Galicia teñen tamén unha gran importancia no resultado eleitoral.
Os resultados xerais, a pesar dunha maior participación que na teoría é sinónimo de mobilización do voto de esquerdas, volven dar certa lexitimidade a Alfonso Rueda para dirixir e executar as medidas necesarias a favor da oligarquía financeira, colocando ao proletariado e ás capas populares nun retroceso constante no que se refire aos nosos dereitos laborais, sociais e democráticos. En sintonía co goberno central da coalición entre PSOE e SUMAR, amplamente castigados no escrutinio por certo, teñen preparada unha nova serie de recortes para salvagardar os da burguesía vencellada ao franquismo.
Aínda que é certo que o resultado do BNG foi cuantitativamente maior que noutras ocasións (aproximadamente 460.000 votos, nada menos), non é a primeira vez que a esquerda reformista capta bastantes votos do descontento (cabe lembrar aquí á IU dos tempos de Julio Anguita). Este éxito débese en gran parte a que non existe á esquerda desta formación nacionalista ningunha alternativa seria e comprometida coa transformación social, e en menor medida a que as políticas do bipartito non son lembradas como negativas no ideario colectivo. É neste punto onde queda claro que existe unha parte da sociedade, non pequena, que non se sinte representada polos partidos do réxime e que busca unha representación real dos seus intereses.
Así, por todo o exposto, é onde as e os marxistas leninistas debemos de avanzar sen descanso e impulsar unha fronte republicana para conquistar uns servizos públicos de calidade, polo pleno emprego con salarios dignos, acabar coa banca privada e pola creación dunha banca pública ao servizo dos intereses do pobo traballador, en definitiva, cun programa propio unitario inequívocamente democrático e popular.
Desde o noso Partido, que cumpre xusto este ano seis décadas de combate contra a Monarquía e o Capital, animámosvos ao conxunto da clase obreira a dar un paso máis, a difundir e debater os nosos comunicados, a contribuír na medida do posible ás nosas actividades, a que en cada barrio, en cada facultade, en cada posto de traballo, recupemos o prestixio das e dos revolucionarios.
POR UNHA ALTERNATIVA DA MAIORÍA TRABALLADORA GALEGA! ORGANÍZATE CO PCE (M-L)!!
