Comité Galego do PCE (m-l)
Dende a Plataforma Galega pola Terceira República, onde traballamos as camaradas do Comité Galego do PCE (m-l), vimos de participar o venres 31 de Maio no acto que organizamos na cidade olívica xunto coa Asemblea Republicana de Vigo e o portavoz en Galicia do grupo promotor da Marcha Republicana 16X.
Ducias de persoas déronse cita no local da Asemblea Republicana de Vigo -a quenes lle agradecemos o espazo e a súa presenza- interesadas en coñecer de primeira man as nosas propostas en torno a loita antimonárquica xusto no décimo aniversario da abdicación de Xoan Carlos I de Borbón. Neste eido coincidimos os poñentes en que a mesma se produciu nunha situación que permitiu á Casa Real, a cabeza da serpe do capitalismo español, continuar no poder con Felipe VI no cargo do Xefe de Estado sen tan sequera ser referendado polos votos da xente do común.
![](https://pceml.info/wp-content/uploads/2024/06/Imagen2.jpg)
Tras as intervencións de Celso López e Néstor Sieira, o camarada Álvaro expuxo claramente que fronte á Monarquía e o seu Réxime, o do 78, era necesario articular de forma urxente a coordinación de todas aquelas asembleas ou colectivos republicanos de Galicia, e inclusive a medio prazo a nivel estatal. Un sentir que a maioría das asistentas acolleron como interesante para tratar despois da Marcha Republicana a Madrid nun posible Encontro Republicano a nivel galego.