Comité Galego do PCE (m-l)
O pasado mércores 28 de maio Elena Candia, Vicepresidenta do Parlamento de Galicia, e Xesús Gamallo, Director Xeral de Relacións Exteriores da Xunta, recibiron nunha visita oficial a Dan Poraz, encargado de negocios da Embaixada de Israel en España. Nun ambiente de agudización do xenocidio de Israel sobre Palestina desde hai un ano e medio aproximadamente o Partido Popular de Galicia recibiu tanto no Pazo do Hórreo e en San Caetano a un cómplice das políticas asasinas do Estado Sionista gobernado por Netanyahu.
Esta situación non é casual xa que baixo as absurdas declaracións que Alberto Núñez Feijóo fixo hai uns días dicindo que «Israel ten unha guerra con Hamás” a dereita avala o ataque constante contra un pobo, o palestino, que leva sufrindo un apartheid sistemático desde 1948.
Neste inadmisible panorama, e diante da inación que en sintonía co Executivo español mostran o PSdG e os seus socios, o movemento pola solidariedade con Palestina en Galicia púxose de acordo para aceptar a proposta de denuncia pública diante da Presidencia da Xunta e a Valedora do pobo promovida pola plataforma Compostela x Palestina, onde participan algúns dos nosos camaradas e simpatizantes. Agrupacións comarcais de Ferrol, Lugo, Pontevedra e Redondela, así como os organismos Asociación Galaico Árabe Jenin, Docentes con Palestina, Rede Galega pola Palestina e BDS Galiza nun exercicio de unidade popular desde a base para, en primeiro lugar, mostrar o rexeitamento a este tipo de actos cómplices coa barbarie, en segundo lugar chamar a apoiar a campaña internacional de Boicots, Desinvestimentos e Sancións (BDS) para aumentar a coacción política e económica sobre Israel, e xa por último, poñer en valor o respecto ao dereito de autodeterminación e á resistencia por todas as vías. Cabe destacar que dita proposta dáse nun marco de reactivación do respaldo da maioría social do noso país con Palestina a través de iniciativas como mocións aprobadas por concellos como o de Vigo ou Gondomar, inspiradas na iniciativa que tomaron os nosos camaradas, xunto con outras compañeiras e compañeiros, de presentar unha na capital galega.
Desde o noso comité en consonancia seguiremos apelando desde a máis ampla unidade a continuar a presión contra os gobernos lacayos do binomio imperialista EE.UU e OTAN que alimentan e impulsan, sexan da cor que sexan, aos comandos militares do ente sionista na pugna contra outras potencias polo dominio xeopolítico da zona. O soporte inalterable a Israel, expor o que expoña o seu goberno, foise convertendo nunha constante da política dos mandatarios occidentais, e a nosa obrigación como revolucionarios é construír a maior alianza de clase e internacionalista.
POR UNHA PALESTINA LIBRE DESDE O RÍO ATA O MAR!
POLA UNIDADE DESDE A BASE CONTRA TODA AGRESIÓN IMPERIALISTA!
